Mağazanın iş qrafiki:
Hər gün: 11:00-dan 21:00-dək
Ünvan 1: N.Nərimanov m/s, Təbriz küçəsi, 116

Gözəçarpan qarın əzələləri üçün əsas şərtlər

Gözəçarpan qarın əzələləri üçün əsas şərtlər

Qarın əzələləri 3 əsas element üzərində qurulur. Bunlar genetik cəhətdən qarın əzələlərinin quruluşu, dərialtı piylərin faizini azaltmaq üçün pəhriz və abdominal əzələlər üçün məşq hərəkətləridir. Qarın əzələsi məşq hərəkətləri özü-özlüyündə əzələ relyefi və səliqəli düzülüş yaratmırlar. Sizin qarın əzələləriniz inkşaf etmiş ola bilər, lakin piy qatının altında görünmədikdən sonra heç bir hərəkət sizə yardım edə bilməz. Bunun qarşısını almaq üçün pəhriz saxlanılması çox vacibdir. Bodybuildingin atası Joe Weider demişkən: “press mətbəxdə yaradılır”.

Daim gözəçarpan qarın əzələləri istəyən şəxs öz rasionunda şirniyyata və digər qlikemik indeksi yüksək olan karbohidratlara (çörək,bulka,piroq,tort,kartof qızartması və s.) yox deməlidir. Bu növ qidalar maddələr mübadiləsini pozur və xroniki aclıq hissi yaradırlar. Nəticədə siz yedikcə daha da yemək istəyirsiniz.

Bütün bunlardan əlavə, bədəndə dərialtı yağlılıq faizinin minimum olması şərtdir. Bu faizi daha tez əldə etmək üçün gün ərzində ən az 30 dəqiqə kardio məşqlər (yüksək intensivli funksional məşq, qaçış, velosiped və ş.) etmək məsləhət görülür.

Səliqəli və dartılmış düzülüşə gəldikdə isə buna statik hərəkətlərin köməyi ilə nail olmaq olar. Statik hərəkətlərin əsas vəzifəsi gövdə əzələlərini möhkəmləndirmək və qarın əzələlərinə səliqəli düzülüş verməkdir. Bu növ hərəkətlərdən ən vacibi “plank” (taxta lövhə) duruşudur. Həftə ərzində 3-4 dəfə bu hərəkəti yerinə yetirməklə siz möhkəm və dözümlü əzələlərə  sahib olacaqsınız.

Son dövrlərin tədqiqatları göstərir ki, press üçün ən yaxşı dinamik hərəkətlər “turnikdən sallanan vəziyyətdə ayaqların gövdəyə qaldırılması və virtual velosiped” hərəkətləridir. Bundan əlavə qarın əzələ hərəkətlərində çoxlu sayda (40-50) təkrarlar etmək də yanlış fikirdir. Əgər bu əzələ qruplarını inkşaf etdirmək istəyirsinizsə, həftədə iki dəfə olmaqla, hər biri 4 yanaşma və 10-15 təkrardan ibarət 2-3 məşq hərəkəti etməyiniz kifayətdir.

Şərhlər
Şərh yazılmayıb
Şərh yaz
4 + ? = 11