Режим работы магазина:
Каждый день: с 11:00 до 21:00
Адрес 1: Н.Нариманов м, у.Табриз 116

Fasiləli aclıq üsulu ilə artıq çəkilərdən asanlıqla azad olmaq olar !!!

Fasiləli aclıq üsulu ilə artıq çəkilərdən asanlıqla azad olmaq olar !!!

İlk öncə, barəsində danışacağımız qidalanma üsulunu ilk dəfə yazıçı, personal məşqçi və qida məsləhətçisi olan Martin Berkhan tərtib etmişdir. Tərtib edilmiş bu proqram artıq çəkilərdən azad olmaq və əzələ kütləsi yığmağı əsas hədəf seçərək, ağır fiziki məşqləri və fasiləli ac qalmanı özündə birləşdirir. Bu hədəflərə aclıq və toxluq fazaları arasında keçid etməklə və qəbul olunacaq qidalı maddələri düzgün seçməklə çatmaq mümkündür.

 

Bu qidalanma üsulunun əsas üstünlükləri:

  • İnsulinə qarşı həssaslıq artır, nəticədə orqanizm karbohidratlara daha yaxşı rekasiya verir.
  • Ürək damar sisteminin funksiyasını yaxşılaşdırır.
  • Alzheimer xəstəliyinin yaranma təhlükəsini azaldır və ömrü uzadır.
  • Metobolizm sürətlənir və Noradrenalinin (norepinefrin) ifrazındakı artım səbəbindən gün boyu gümrahlıq hiss olunur.
  • Aclıq fasiləsi zamanı boy hormonu səviyyəsi artır və nəticədə artıq yağların parçalanması üçün metobolizm aktivləşir.
  • Orqanizmin aclığa olan dözümlüyünü artırır.

 

Qidalanma planı:

Əsas məsələ 16 saat davamlı ac qalıb və yalnız 8 saat qidalanmaqdı. Çalışmaq lazımdır ki, məşq saatları nəzərdə tutulan 8 saatlıq qidalanma fasiləsi dövrünə uyğun gəlsin. İlk qida qəbulunu məşqdən 2 saat öncə etməlisiniz. Çünki kalorilərin çox hissəsi məşqdən sonra həzm olunmalıdır. Bu üsul daha yaxşı anabolik effekt və optimal nəticlər almağa imkan yaradır. Aydınlıq üçün bir misal göstərək:

13:00 – İlk qida qəbulu (günlük normanın 20 %-i).

15:00 – Fizki məşq.

17:00 – İkinci və ya məşq sonrası qida qəbulu (günlük normanın 60 %-i).

21:00 – Sonuncu qida qəbulu (günlük normanın 20%-i).

 

Əzələlərin qida maddələri üçün daha həssas olduğu dövrdə, yəni fiziki məşqdən sonrakı saatlarda qidalanmaqla, siz əzələlərin böyuməsi üçün ideal şərait yaradırsınız. Məhz bu zaman qəbul olunan kalorilərin hamısı tikinti materialları qismində istifadə olunurlar. Nəticədə depolama üçün kalori qalmadığından sizin artıq çəki yığmanız qeyri-mümkün olur.

Nəzərinizə çatdıraq ki, bu qidalanma üsulu zamanı şirniyyatlardan, piroqlardan, tortlardan, yuxarı qlikemik indeksli qida növlərindən (çörək, adi makaron, qızardılmış kartof və s.) uzaq durmalısınız. Ac qalma fasiləsi zamanı, yəni 16 saat ərzində aclıq hissini yatırtmaq üçün su və ya çay içə bilərsiniz.

Qida qəbulu fasiləsi zamanı isə çəkinizə uyğun zülal, yağ və karbohidrat nisbətini hesablayıb, sağlam qida növlərindən ibarət menyu hazırlaya və qidalana bilərsiniz. Sağlam qida növlərinə isə aşağıdakıları misal göstərə bilərik:

Bulğur, Qarabaşaq, Yabanı düyü, Mərci, Lobya, Yulaf yarması, Toyuq və ya Hinduşka filesi, Mal əti, Balıq filesi, Süd, Pendir, Kəsmik, Qoz, Fındıq, Badam, Fıstıq və s.

Qeyd: Çalışın ki, qida rasionunuza kəsmik əlavə edəsiniz. Tərkibindəki kazein sizi uzun müddət tox saxlayacaq və əlbətdə ki, kəsmiyi son qida qəbulu zamanı istifadə etməyiniz daha məsləhətlidir.

Комментарии
Пока нет комментариев
Написать комментарий
37 + ? = 45